Orang besar biasanya mengawali kesuksesannya dengan membaca.

Drama Bahasa Sunda: Culik

     Di buruan imah Nini Uti katenjo loba jelema ngagimbung mani guyur. Sora nu ting corowok recok teu puguh kadengena. Ka teuing aya nanahaon. Urang tinggal langsung di TEKAPE.

(Torojol Pa RT di iringkeun ku Hansip)

Hansip: cing hiling bere jalan, kami rek asup.

(Jalma-jalma nu ngarogrog dilawang panto nyalingray, sup Pa RT ka jero)

Pa RT: wayah kumaha leungitna budak teh?

Nini Uti: ka teuing. Kanyahoannana mh bieu we magrib eweuh ngampih.

Pa RT: hmh….

Nini Uti: panguruskeun be Pa RT ka inyah. Kami mah batan sakieu rarempona. Heug bapana can datang.

Pa RT: kamana kitu?

Nini Uti: biasa we ka gunung nyiar dagangan.

(Hansip milu nanya)

Hansip: eta sugan, wayah kumaha mimiti teu tembongna? 

Nini Uti: wayah kumahanya, Imik?

Imik: (bari ceurik) ti bada lohor, tas balik sakola we meureun. 

Hansip: naha geuning meureun?

Pa RT: henteu kungsi diambeuk budak teh? Heg minggat sugan.

Imik: (asa-asa) ah…hen…teu…. 

Pa RT: tong asa-asa. Sugan wejadi pituduh geusan nyeleser neangannana.

Hansip: enya, Nyi, tong sieun-sieun.

Nini Uti: kungsi di gelendeng henteu si Edah the ku maneh?

Imik: atuda duit pamulangan SPP di jajankeun. Tuman. Di ceprot we!

Sararea: euh… meureun.

Pa RT: minggat jigana mun kitu mah.

Hansip: moal salah deui Pa RT kana kitu ieu mah. Budak di enod mah kitu, teu paya di getrik.

Pa RT: geus ditanyakeun ka babaturan ulinna?

Imik: atos. Teu, teu aya nu manggihan cenah.

Pa RT: aya baraya di tempat sejen?

Nini Uti: komo we. Di Cisulung aya, di Cibedug boga. Tapi da sakitu jauhna, bebenjit karek kelas hiji mah moal ge ludeungeun. Atuh eta tah di lembur beulah kaler, aya nu jadi Akina. Heeuh si Somad besan Nini.

Pa RT: tah, tah…. Kumaha kadinya geus di paluhur?

Nini Uti: enggeus. Areuweuh-euweuh acan jelemana oge, keur neang nu ngajuru ceunah.

Pa RT: euh….

(Jeda)

Pa RT: keur usum culik puguh ayeuna teh. Loba kabejakeunnana.

Nini Uti: enya sieun ku culik we ema mah.

Hansip: muhun Pa RT, nuju usum culikayeuna the. Tos seeur kajantenan barudak awewe dicarulik, di arah sumberna. Perhiasanana weh pokona mah. Ngawitan budak teh       diolo perhiasanan. Tos kenging mah,leoswe maneh na ngiles. Cul we budakna mah ditinggalkeun. Apam minggu kamari oge putra Pa Mantri nyaho-nyaho aya nu nganteurkeun weh ti Pasar Baru ceunah, kapanggih keur ngadingdiut we di lantai dua.ari pek the, nyaeta kitu, aya nu nyulik.

Pa RT: ari eta budak teh, make emas henteu?

Imik: nganggo. Sumber!

Hansip: moal boa….

Pa RT: kieu we ayeuna mah. (ngalieuk ka Hansip) maneh indit ka Pasar Baru atawa ka Kebon Kalapa atawa kamana bae sakirana tempat nu rame Bapa jeung sarerea rek neangan di dieu. Bisi titeuleum tea. Bisi kumaha tea.

Hansip: mangga. Aeh, moal dibewarakeun kitu kana radio?

Pa RT: hmh (kerung)

Sarerea: bener,bener alus. Perlu atuh.

Pa RT: hayu urang teangan ku sarerea. Nu boga patromak cokot heula, bawa kadieu!

     Teu lila geus raang patromak, ditambah sababaraha obor bring ka lio. Kabeh sumur lio di turunan disasaran. Berekah teu manggih nanaon, ari lain bangkong mah.

     Kurunyung teh Aki Somad mani norojol. Lantera nu dijingjingna oge mani gugulawingan.

Aki Somad: keur nareangan naon ieu the Pa RT?

Pa RT: ari aki pan incu aki leungit!

Aki Somad: baruk leungit? Si Edah?

Pa RT: enya!

     Ngan Barakatak weh Aki Somad mani pipingkelan.  

Pa RT: naa aki kalah seuri, incu leungit the?

Aki Somad: di bawa ku aki si Edah mah ka Cisulung, neang bibina ngajuru. Pan kami oge balik tiditu ieu the. Rek terus mareuting barudak mah, da nalik mah pimanaeun, sakieu laleueurna kapan?

Pa RT: ya salam…!

     Blus we Aki Somad jeung Pa RT kajero imah Nini Uti. 

Pa RT: tah ieu yeuh Aki Somad nu nyulik si Edah teh.

Sarerea: beuh…. Geuning akina sorangan nu nyulik si Edah the.

     Aki Somad ngan barakatak seuseurian. Leos eta, kurunyung teh Hansip.

Hansip: teu kapanggih si Edah teh Pa RT. Kumaha teang deui wae kitu?

Pa RT: geus teu kudu di teang deui da geus kapanggih si Edahna ge katut jeung nu nyulikna ongkoh.

Hansip: Alhamdulillah atuh ari geus kapanggih mah. Mana atuh culikna? Geus di ka Bale Desa keun?

Pa RT: (nunjuk ka Aki Somad) ieu yeuh nu nyulikna, akina sorangan.

     Aki Somad ngan barakatak seuseurian. Akhirna teh nu di sangka-sangka si Edah di culik teh geuning ngan salah paham wungkul gara-gara Aki Somad jeung Edah teu bebeja ka Nini Uti jeung ceu Imik yen maranehna rek neang bibina Edah nu keur ngajuru ka Cisulung.

selly rosalina