Drama Bahasa Sunda: Virus DuMay

     Dihiji lembur nyaeta Desa Suka Galau, warga-wargana kaserang virus nu leuwih bahaya alah batan virus H5N1 nyaeta “Virus DuMay” alias Dunia Maya. Teu budak teu kolot sibuk nguruskeun Facebook, Twitter, jeung BBM-an. Aya hiji kulawarga nu bener-bener kaserang virus DuMay stadium opat tingkat kabupaten nyaeta kulawarga Haji Usep Kurasep juragan sapi di Desa Suka Galau. Manehna miboga pamajikan nu ngaranna Nyai Unah jeung dua budak awewe nu eksis di Facebook ngaranna Julia jeung Juleha.

BABAK I

     Hiji poe diteras imahna Haji Usep keur ngadaweung bari ngopi, teu kungsi lila pamajikanna datang bari sibuk ngome HP.

H. Usep: kamarana barudak teh geus burit kieu can baralik?

N. Unah: nya kuliah atuh pih, biasana oge pan balikna the sok burit wae. Sipapih mah sok api-api poho kitu.

H. Usep: yeh lain api-api, ari beneran poho. Maklum we atuh da kami the geus kolot.

N. Unah: kami? Papih we olangan da mamih mah ngora keneh, ceuk babaturan facebook mamih oge mamih mah baby face ceunah. Maenya mamih disangka budak kuliahan keneh pih.

H. Usep: hah babi? Dadaekanan si mamih disaruakeun jeung bagong. Eh eh… naon mih, facebook? Ngaran grup arisan mamih eta the?

N. Unah: ih lain babi pih, baby. Baby the basa inggrisna orok, intina mamih the kaciri ngora kitu pih. Eleuh eleuh… maenya facebook wae teu apal, use ah papih mah. Itu gening pih tempat urang keur neang babaturan. Urang teh bisa kenalan jeung batur ti Sabang nepi ka Merauke, ditambah deui bisa kenalan jeung batur di saluruh dunya ieu. Yeuh pih matak sapi urang payu teh pan ku mamih dipromosikeun di facebook jadi we kasohor kapan Sapi Haji Usep Kurasep the. Eh pih, engke mah gantinya ngaranna jadi Sapi Facebook Dot Com.

H. Usep: (ngan ukur ngahuleng)

     Keur kitu dua budak awewena Julia jeung Juleha datang.

Julia & Juleha: (gek diuk gigireun bapana bari sibuk ngome HP)

H. Usep: budak the datang-datang lainna ngucapkeun salam ngadon langsung gek diuk.

Julia: oh enya hilap. Maklum pih kami nuju sibik wall-wallan.

Juleha: jadian deui yu the datangna.

Julia: hayu hayu… (bari nuturkeun bujur adina)

Julia & Juleha: assalamualaikum… ya ahlil kubur.

H. Usep: yeh puguh da ieu teh dikuburan, teu baleg wae budak teh. Eh eh… naon li wall-wallan? Bapa mah teu ngarti.

Juleha: eta pih ngirim dinding.

H. Usep: emang bias dinding dikirim dinu HP?

N. Unah: astagfirullahaladzim… boga salaki the udik pisan. Teu nyaho mah cicing we.

Julia: ajarkeun geura mih si papih the meh teu ngerakeun!

N. Unah: eh ulah ah, engke kanyahoan atuh mamih mun boga kenalan lalaki the (sabari ngaharewos).

BABAK II

     Ditempat nu sejen aya dua pamuda nyaeta nyaeta Riko jeung Dadang nu keur sibuk masing-masing, nuhiji sibuk ngome HP, nu hiji sibuk ngahuleng teuing naon nu dihulengkeunna.

Dadang: Ko, urang mah sirik da ka maneh, maneh mah meni loba nu nu bogoh naon sih rahasiana? Uang ge hayang atuh boga kabogoh the da bosen melajang wae mah.

Riko: (kalah tungkul we da serius ngome HP)

Dadang: yeh kalah disuukin bin dikacangin. Oh kitu nya ayeuna mah maneh the meni embung nulungan urang.

Riko: (kalah sura-seuri)

Dadang: yeh ari maneh batur susah teh kalah diseungseurikeun (sabari mawa HP nu dicekel ku Riko).

Riko: cicing tong ngagannggu wae bisi dituar (sabari mawa HP nu direbut ku Dadang), teu nyaho batur keur senang maneh mah Dang, urang the keur kokomenan jeung My Bebeph nyaho.

Dadang: atuh da titatadi urang ngomong teu didengekeun wae. Eh Ko, ajarkeun atuh facebookan the. Urang mah teu ngarti. Rek neangan jodo yeuh!

Riko: oh maneh the teu boga facebook nyah? Asa kukarunya teuin. Hari gini teu boga facebook facebook acan? Cape deh!

Dadang: pang nyieunkeun atuhnya. Eh eh… ngaranna ulah make ngaran asli urang nya, ngaran maneh wae meh loba awewe geulis nu ngaadd.

Riko: yeh atuh kitu maneh mah Dang.

     Kusabab karunyaeun si Riko mang nyieunkeun facebook jang si Dadang. Ku sabab haying gancang meunang kabogoh Dadang jadi remen facebookan, beuki lila Dadang kaserang virus DuMay oge.

     Hiji poe manehna kakara inget neang info ngeunaan awewe pujaanna nyaeta Julia, di search manehna ngetik ngaran Julia Anak Juragan Sapi sanggeus kapanggih langsung we di add.

BABAK III

     Teu beurang teu peuting Nyai Unah, Julia jeung Juleha pasti we facebookan.

     Dikamar Julia sura-seuri sorangan. Adina, Juleha nu kasieunan buru-buru ngelingkeun lanceukna.

Juleha: the kunaon S3 kitu? Wah wah… curiga, istigfar the istigfar…

Julia: ih maneh mah teu daek cicing pisan leha! Naon atuh puguh da urang the kasurupan dititah istigfar. 

Juleha: sukur ari teukasurupan mah (sabari ngelus dada).

Julia: eh leha, difacebook boga babaturan nu ngaranna Riko Part II teu?

Juleha: duka the asana mah henteu. Kunaon kitu?

Julia: si Riko-Riko Part II eta the menta nomor HP teteh, ceunah mah urang teh sakampus jeung manehna. Ceunah mah manehna teh remen ningali teteh, tapinda teteh mah teu apal ka manehna.

Juleha: nya tingali atuh foto-fotona teh!

Julia: tah puguh eta masalahna teh, PPna oge kalah ku gambar tulisan “ga pake foto dulu, beungeutnya lagi diseseuh” ceunah. Ditingai di albumna g eweuh foto hiji-hiji acan, jigana mah kasep pisan si Riko-Riko Part II eta teh nepikeun ka embung pamer poto di facebook. Jeung deuih jiana mah manehna teh anak band pedah we statusna teh ngomongkeun wae soal musik. 

Juleha: anak ban? Buleud atuh bias digorolongkeun.

Julia: teuing ah ngan gehu haneut nu ngarti perasaan teteh ayeuna.

BABAK IV

     Beuki lila Julia beuki akrab wae jeung Riko Part II nepikeun ka Julia jeung Riko Part II teh jadian sanajan maranehna can pada papanggih, heug teh status hubunganna dicantumkeun di facebook.

N. Unah: Juli…!

Julia: kela sakedap mih!

Juleha: kunaon mih si teteh? kunaon?

N. Unah: (teu ngajawab)

Julia: kah mih? (sabari nyampeurkeun N. Unah jeung Juleha)

N. Unah: naon ari maneh geus kawin Juli?

H. Usep: Naon mih? Papih teu salah dangu yen si Juli teh geus kawin?

Julia: henteu mih pih sumpah.

N. Unah: terus ieu naon sok status hubungan menikah jeung Riko Part II (sabari nunjukkeun HP)?

Julia: oh eta, atuh da hereuy eta mah mih.

H. Usep: tuh da si mamih mah sok heboh tiheula, piraku we atuh si Julia teh kawin teu menta restu ka urang, pan urang teh bapana, bener teu penonton?

BABAK V

     Hiji poe di kampus Julia ceceuleuweungan sorangan bakat ku sono ka Riko Part II alatan teu ngawall jeung ngainbok ka manehna.

Julia: penonton dimana nya kabogoh abi? Haying da nulis i miss u di batu bata terus dialungkeun ka manehna sangkan manehna teh nyaho nyeriii sono ka manehna teh.

     Teu jauh ti tempat Julia ceceuleuweungan sorangan katenjo Riko nu keur asik gigitaran.

Juleha: teh, tuh nu itu tuh nu ngaranna Riko-Riko teh

Julia: wah kasep geuning! (nyampeurkeun Riko, gek diuk digigireunna sabari nangkeup leungeunna)

     Babaturan Riko nyaeta dadang ujug-ujug nyampeurkeun Riko jeung Julia.

Dadang: heh ko!

Riko: hai bro! (sabari ngeureunkeun gigitaran)

Dadang: brat brot brat brot ai maneh keur mencret sugan? 

Riko: ai maneh kunaon?

Dadang: keur naon maneh jeung kabogoh urang ko?

Riko: (ngalieuk ka Julia)

Julia: hah? Kabogoh?

Dadang: muhun kabogoh, piraku neng Juli tos hilap ka aa?

Julia: ih nya duka, saha maneh? Juli mah teu rumasa gaduh kabogoh goring patut jiga didinya barina ge. Kabogoh Juli mah da Riko, nya yang? (bari nanya ka Riko)

Riko: ih teuing da Riko mah teu rumasa bobogohan jeung didinya, barina ge apal nami ge henteu yey ngaku-ngaku.

Julia: terus naha atuh cicing wae ditangkeup ku Juli teh?

Riko: terus urang kudu salto? Nya lumayan we aya awewe geulis nangkeup mah tong disia-siakeun, rezeki ti Allah eta teh.

Julia: didinya nyieun kuring kuatka gogodeg! (sabari ngaleos balik ka imah)

Dadang: neng Juli…. (slow mode on)

     Pas Dadang jeung Riko ngudag-ngudag Julia  teu disangka teu diduga Dadang jeung Riko paamprok  jeung Juleha.

Juleha: kang Dadang?

Dadang: eh Leha, aya naon?

Juleha: nuju acting jadi nu gelo nu lulumpatan bari cocorowokan di jalan nya kang?

Dadang: ih henteu Leha, akang teh nuju ngudag eteh-eteh itu tuh (sabari nunjuk ka Julia)

Juleha: teh Julia? Atuh itu mah eteh Leha kang.

Dadang: atuh geuning teu mirip nya?

Juleha: maklum kang bungsu mah dedekna. Na kunaon kang make jeunh ngungudag teh juli sagala? Nuju ucing-ucingan nya? Meni teu ngajak-ngajak ih ka Leha!

Dadang: ih nya lain atuh! Caritana panjang Leha, ayeuna mah urang susul heula we teh Juli na, engke di jalan dicaritakeun. (terus lumpat (slow mode on))

     Sapapanjang jalan Dadang jeung Riko nyaritakeun salah paham eta ka Juleha. Nepikeun ka Juli eureun di teras imahna. Dadang jeung Riko ngajelaskeun salah paham ka Julia, akhirna Julia ngahampura.

     Teu lila pas rek asup pisan ka imah Haji Usep, aya sora awewe nu keur ceurik, nu teu ayal teu bukan teh Nyai Unah.

Julia & Juleha: kunaon mih? (sabari nyampeurkeun)

N. Unah: mamih katipo ku kenalan mamih di facebook, manehna teh pesen 15 sapi dikirim keur manehna, ari nu di bayarna teh ukur ongkos kirimna hungkul, ngomongna mah minggu ieu teh rek dibayar. Pas kamari didatangan ka tempana da eweuh nu ngaranna eta ceunah.

Dadang&Riko: terus facebookna tos ditinggal teu acan mih?

N. Unah: acan da facebookna ge tutup akun.

H. Usep: nya… ceuk papih oge jang naon facebookan-facebookan teh ngaranna ge dunia maya, identitas-identitas nu diasupkeun teh can tangtu sarua jeung aslina.  Ayeuna mah omah penonton… sanguan!

TAMAT

Selly Rosalina

Gia Natalia Wijaya